Мемлекеттік тіл әліпбиін латын графикасына көшірудің өзекті мәселелерін талқылау бойынша жұмыс кездесуі Петропавл қаласының Достық үйінде өтті.

Отырысқа СҚО ҚХА өкілдері және қоғамдық ұйымдар қатысты. Кездесудің модераторы облыстық ассамблеяның меңгерушісі Наиль Салимов болды.

Білімге ұмтылу біздің халқымызға тән қасиет. Болашақта табысқа жетудің іргелі факторы білім екендігін әр қазақстандық азамат түсінгені жөн. Жастардың басымдықтар жүйесінде білім алғашқы сапта тұруы қажет. Құндылықтар жүйесінде білімдарлық басты құндылық болған жағдайда, ұлтымыз табысқа жетпек.    

Бұл – заманауи технологиялық ортаның ерекшеліктері де, заманауи әлемдегі коммуникациялар ерекшеліктері де, XXI ғасырдағы ғылыми-білім беру үдерісінің ерекшеліктері.

Сондықтан мемлекеттік тіл әліпбиін латын графикасына көшіру – бұл білім беру жүйесіндегі кезекті реформа. Оның өзгешелігі – оны кезең-кезеңмен іске асыру барысында мемлекеттік тіл қолданылатын барлық саланы қозғауында.  

СҚО ҚХА ғылыми-сараптамалық тобының жетекшісі Гүлбақша Мұсабаеваның айтуынша, латын графикасына көшу барысында бірқатар болмашы қиындықтар бар, біз оларды алдын-ала жоюымыз керек.

Әліпбидің өзгеруі жайында саясаттанушы, «Дүниежүзі қазақтарының қауымдастығы» РҚБ СҚФ басшысы Сағындық Салмұрзин баяндады:

«Латын әліпбиіне көшкен елдердің тәжірибесі зерттелді. Осындай эволюциялық, дұрыс және ғылыми тәсілмен бізде де латынға кірістік. Менің ойымша, тезірек енгізу қажет. Технологиялық ақпараттың, өндіріс, ғылым, техника ақпаратының 80 % латын қаріпінде жазылады».

Қатысушылардың пікірінше, дыбыстар мен айрықша әріптерді жоғалпай, неғұрлым дұрыс және тиімді әліпбиді енгізген жөн. Бұл шешімді халықпен бірге қабылдау маңызды.

Дата события ассамблеи: 16.10.2017

Кейін қарай