2017 жылғы 30 маусымда Тәуелсіздік сарайында Азиядағы өзара сенім шаралары кеңесі (АӨСШК) ұлттық-мәдени орталықтарының «Мәдени ашықтық – бейбітшілік пен келісімнің негізі» атты азаматтық форумы өтті.

Іс-шараға ҚХА Төрағасының орынбасары – Хатшылық меңгерушісі Дархан Мыңбай, ҚР Парламенті Мәжілісінің депутаттары, отандық және шетелдік ғалымдар, қоғам қайраткерлері, мемлекеттік органдардың өкілдері, АӨСШК елдері - Әзербайжанның, Түркияның, Ресейдің, Тәжікістанның, Қырғызстанның, Өзбекстанның, Арменияның және басқа мемлекеттердің Қазақстандағы дипломатиялық миссияларының басшылары мен қызметкерлері, ғылыми және шығармашылық зиялы қауым, этномәдени бірлестіктер  мен БАҚ өкілдері қатысты.

Пленарлық бөлім аяқталған соң Форум жұмысы форсайт-сессиялармен жалғасты:

• «Өзара әрекеттестік жолдары: ниеттестік және жаңғыру»;
• «Жаһандағы заманауи қазақстандық мәдениет»;
• «21 ғасырдағы ақпараттық ағындар: мультимәдени көрінісі».

Форум шеңберінде ұйымның 25 жылдығына арналған «АӨСШК сәті» фотокөрмесі мен АӨСШК елдері - ұлттық-мәдени орталықтарының көрмесі ұйымдастырылды.

Сондай-ақ форум қатысушылары этномәдени бірлестіктер өкілдерімен кездесті. ҚР Ұлттық музейінде орналасқан Қазақстан халқы Ассамблеясы және полиэтносты Қазақстан тарихы залындағы «Н.Ә. Назарбаевтың қоғамдық келісім мен жалпыұлттық бірліктің қазақстандық үлгісі» экспозициясымен танысып, «Киіз үй» концепттік моделін көрді. ҚР еңбек сіңірген өнер қайраткері, ҚР Мемлекеттік сыйлығының лауреаты Ерболат Төлепайдың көрмесін тамашалап, сәндік-қолданбалы өнер шеберлерінің көрме-жәрмеңкесін аралады.

Кейін қарай