2016 жылдың 12 наурызында Көшек батыр көшесінде орналасқан Қазақстан халқы Ассамблеясы ғимаратының маңында облыстық Қазақстан халқы ассамблеясы, облыс әкімі аппаратының «Қоғамдық келісім» КММ және Тараз қаласы әкімдігімен бірлесіп «Мәңгілік ел - Жасыл ел!» атты облыстық жастар сенбілігі патриоттық акциясы өтті.

Акция Қазақстан Республикасы Тәуелсіздігінің 25 жылдығы және Наурыз мерекесінің аясында, қала көшелері мен саябақтарды көгалдандыру және абаттандыру, ағаш отырғызу, көне қаламызды, жастардың, этномәдени бірлестіктер жанындағы жастар орталықтарының жастарын экологиялық, патриоттық сезімін арттырып, қоршаған ортаны таза ұстауға баулу мақсатында өтті.

Акцияға облыс жастары мен этномәдени бірлестіктер жанындағы жастар орталықтарының жастары жұмылдырылып, олар айналаны көгалдандыруға, қала көшелерін тазартуға, саябақтар мен құрылыс алаңдарын тазартуға атсалысты.

Жылдағы дәстүр бойынша өткізілген сенбілік аясында тал көшеттері отырғызылып, автокөлік жолдарының бойы және ғимараттардың маңы күл-қоқыстардан тазартылды. Сонымен қатар, ағымдағы жылы осы бағытта облыс Қазақстан халқы ассамблеясы тарапынан, «Жасыл ел» еңбек жасақтарының жұмысын әрі қарай жандандыруға және бос уақыттарын тиімді ұйымдастыруға баулу мақсатында «Мәңгілік ел – Жасыл ел!» патриоттық акциясы өз жұмысын жалғастырады.

Кейін қарай