Ақтаулық балғындар жазғы демалыс күндерін тиімді өткізуде. Олардың әр күні жоспарланған. Айталық, Ақтаудағы «Алау» лагерінің балалары теңіз жағалауында демалып қана қоймай, қаладағы мұражайларды аралады. Солардың бір тобы Ақтаудағы «Достық үйіндегі» мұражайда болды.

Жеткіншектер өңірдегі 21 этностың мәдениеті мен салт-дәстүрі, әдет-ғұрпымен танысып, біршама мәліметке қанық болды. Мұражайдағы саяхатқа барлығы 40-қа жуық бала қатысты. Олардың әрқайсысы өз ұлтының мәдениеті мен қазақ халқының салтын салыстырып, тарихқа үңілді.

Мәселен, «Алан» осетин этномәдени орталығының төрайымы Фатима Беркли осетин ұлтының салт-дәстүрі мен әдет-ғұрпын таныстырып, балғындардың сауалына жауап берді.  Іс-шара мақсаты – балаларды татулық пен бірлікке шақырып, өзге ұлттың мәдениетін насихаттау. Іс-шара соңында балалар естелікке суретке түсіп, ұйымдастырушыларға алғыстарын білдірді.

МОӘА «Қоғамдық келісім»КММ баспасөз қызметі

Кейін қарай