Қазақстан халқы Ассамблеясы атынан сайланған ҚР Парламенті Мәжілісінің депутаты Юрий Ли Нұр-Сұлтан қаласы Полиция департаментінің жеке құрамымен кездесті.

Нұр-Сұлтан қаласы Полиция департаменті бастығының орынбасары Айдос Рысбаев бүгінгі күнде жеке құрамның жедел түрде атқарып жатқан жұмысына тоқтала келе, интернет-алаяқтық пен қаржы пирамидаларына қарсы іс-қимыл ерекше бақылауда екенін атап өтті.

Полиция департаменті басшылының айтуынша өткен жылы Нұр-Сұлтан қаласының аумағында 410 киберқылмыс тіркелген, оның ішінде 370 интернет-алаяқтық. 2021 жылы 13000 қылмыстың 4500-і ақпараттық технологияларды пайдалана отырып жасалса, оның ішінде 3755-і интернет-алаяқтық. 2020 жылы киберқылмыстардың өсуін ескере отырып «2021-2022 жылдарға арналған ақпараттық технологиялар саласындағы қылмыстық құқық бұзушылықтарға қарсы іс-қимыл жөніндегі» бағдарлама бекітілді, онда тергеуді ашу және алдын алу жөніндегі іс-шаралар қамтылған.

Мәжіліс депутаты Юрий Ли Парламент Мәжілісіндегі ҚХА тобының қызметі туралы жалпы ақпаратты жеткізе отырып, интернет-алаяқтыққа және қаржы пирамидаларына қарсы іс-қимыл жөніндегі жол картасын іске асыру жөнінде кеңірек берді.

Кездесу барысында Мәжіліс депутаты тыңдаушылардың қойған сұрақтарына жауап беріп, бірқатар ұсыныстарын депутаттық сауал ретінде көтеретінін жеткізді.

Кейін қарай