19 қараша Қазақстан Республикасы Тәуелсіздігінің 25 жылдық мерейтойына орай Тұрар Жолдыбаев атындағы спорт кешенінде «Маңғыстау облысы Қазақстан халқы Ассамблеясының кубогы» үшін шағын футболдан жарыс өтті. Іс-шара ұйымдастырушылары Маңғыстау облысында Қазақстан халқы Ассамблеясының хатшылығы мен МО ӘА «Қоғамдық Келісім» КММ, Ақтау қалалық дене шынықтыру және спорт бөлімі, «Жас Отан» жастар қанаты және Маңғыстау облысы Жастарының Конгресі.

Жарысқа Маңғыстау облысындағы жоғарғы және кәсіптік оқу орындарының  20 құрама командасы қатысты. Командалар олимпиадалық жүйе бойынша бір-бірімен сайысқа түсті. 3-орын иегері – Жаңаөзен қаласының Политеxникалық колледжінің құрама командасы 30 000 теңге сертификатпен, 2-орын иегері – Маңғыстау Политеxникалық колледжінің құрама командасы 60 000 теңге сертификатпен, ал 1-орын иегері – Ш.Есенов атындағы Каспий Мемлекеттік Теxнологиялар және Инжиниринг Университетінің құрама командасы 100 000 теңге сертификатымен және «Маңғыстау облысы Қазақстан халқы Ассамблеясының кубогымен» марапатталды.

Сонымен қатар, Жаңаөзен Политеxникалық колледжінің студенті Ходжабаев Нұрдаулет  "Үздік ойыншы", ал Жаңаөзен қаласы Нұрмағамбет Оразмағамбетұлы атындағы мұнай-газ колледжінің студенті Маметқұл Айбек "Үздік қақпашы" кубоктарымен марапатталды.

Кейін қарай