Ел тарихындағы маңызды іс-шара Маңғыстау облысында да ойдағыдай өтті. Маңғыстаулықтар сайлауға келіп, өз таңдауын жасап, белсенділік танытты.

Саяси маңызы бар іс-шараға этномәдени бірлестіктер мүшелері де қатысты. Солардың бірі, «Булгар» татар этномәдени бірлестігінің төрайымы Зульфия Бернеева.

 -Бұл сайлау баршамыз үшін маңызды болды. Осы сайлау арқылы депутаттардың жаңа толқыны келеді деген ойдамын. Мен өз дауысымды кемел келешек үшін бердім. Жаңадан сайланған депутаттар ел тыныштығы мен бірлігі жолында аянбай еңбек етеді деп ойлаймын, - деді ол.

Маңғыстау облысында халық үшін 199 сайлау учаскесі таңертеңнен кешке дейін қызмет көрсетті. Сонымен қатар, әр сайлау учаскесінде аймақ тұрғындары үшін азық-түлік жәрмеңкелері мен концерттік бағдарлама ұсынылды. Халыққа өнер көрсеткендердің қатарында Маңғыстау облысындағы Қазақстан халқы Ассамблеясы жанындағы «Жас қанат» ұйымының өнерпаздары да бар.

- Жалпыхалықтық іс-шарада өнер көрсету мен үшін зор құрмет болды, дейді «Вайнах» шешен-ингуш этномәдени бірлестігінің мүшесі, әнші Ислам Музаев. -Біз бүгін №36 сайлау учаскесіне келгендерге керемет көңіл-күй сыйлау мақсатында өнер көрсеттік. Сайлау маңызды іс-шара болғандықтан, мен «Менің Қазақстаным» әнін орындадым. Маңғыстаулықтар ел келешегіне сеніммен қарап, өз таңдауларын жасады.

МО ӘА «Қоғамдық келісім» КММ баспасөз қызметі

Кейін қарай