Маңғыстау облыстық ҚХА ұйымдастыруымен Достық үйінде, жалпықазақстандық ашық диктант өтті.

Мақсаты – этносаралық қатынас тілі ретінде мемлекеттік тілдің қолданылу аясын кеңейту арқылы қазақстандық бірегейлікті қалыптастыру, қоғамдық келісім мен ел бірлігін нығайту. Жалпықазақстандық диктантқа 30-дан аса еріктілер қатысты. Оның ішінде мектеп оқушылары, этномәдени бірлестік өкілдері де бар.

Диктант тақырыбы «Тәуелсіздік – басты құндылығымыз» болды. Айта кетейік, бұл шара облыс бойынша барлық мектептерде, білім беру ұйымдарында, мемлекеттік мекемелерде, кітапханаларда бір уақытта ұйымдастырылған болатын. Шара «Қоғамдық келісім» мемлекеттік мекемесінің ұйымдастыруымен «Мың бала» жобасы аясында өтіп отыр.

— Бүгін алғаш рет қазақ тілінде диктант жаздым. Мен үшін әрине қиын болды. Білімімді толықтыру керек. Ассамблея ғимаратында өтетін қазақ тілі сабағына үнемі қатысуға тырысамын, - деді орыс этномәдени бірлестік мүшесі Погорелова Галина.

Алдағы уақытта үздік диктант жазған қатысушылар марапатталатын болады.

Кейін қарай