БҚО Қазақстан халқы Ассамлеясының достық үйінде «Медиация – азаматтық қоғам негізі» тақырыбына семинар өтті. Аталмыш шараға БҚО ҚХА (этномәдени бірлестіктері), Орал қаласының мектеп директорлары,тәрбие жұмысы жетекшілері, ЖОО-ның ұстаздары, қалалық ұйымдардын жетекшілері, кәсіби медиаторлар қатысты. Шараның басты мақсаты – даулы жағдайларды болдырмау, бұндай жағдай туған кезде дауды медиативтік келісім жасасу, яғни дауды сотқа дейінгі реттеу арқылы шешу болды. Күн тәртібінде: «Медиация институтының қоғамдық келісімді қалыптастырудағы рөлі», Мектеп және медиация, «Қоғамдық келісім» медиация бөлімінің жұмысы жөніндегі ақпарат және т.б мәселелер қарастырылды. Отырыс барысында рөлдік ойындар түрінде күнделікті өмірде туындайтын медиативтік жағдайлар қолданылады. «Баршамызға медиация тақырыбы жаңа емес, әсіресе қазақ халқы үшін, өйткені ата-бабаларымыздын кезінен көптеген дауларды шешуде медиацияны қолданды, сонымен қатар қазіргі таңда Америка, Европа елдерінде медиация үлкен сұранысқа ие болып қолданылып келеді» - деді БҚО әкімі аппаратының «Қоғамдық келісім» КММ жетекшісінің орынбасары Ихсанова Ж.С. Мектеп және медиация жайлы өз сөзінде БҚО әкімі аппаратының «Қоғамдық келісім» КММ әлеуметтік ұсыныстар бөлімінің жетекшісі Рахишева А.Г. «Соңғы бірнеше жылдың ішінде Республикамыздың орта білім беретін мектептерінде медиацияны еңгізуде. Қазіргі таңда жасөспірімдер арасындағы даулар бұрынғы кезде қарағанда қатты ерекшеленеді. Қазір тинейджерлер арасындағы келіспеушіліктер әлеуметтік, гендерлік және ұлтаралық сипатқа ие болып келеді» - деп атап кетті.

Семинарға қатысушылар өз ойларын білдіріп, рөлдік ойындаға белсенді қатысып және барлық білім беретін орта мектептерге медиацияны енгізуге тілектерін білдірді.

Кейін қарай