Ағымдағы жылдың 7 қарашасы күні Қарағанды облысы әкімі аппаратының «Қоғамдық келісім» КММ бастамасымен Октябрь аудандық сотында медиация институтын дамыту мәселелеріне арналған дөңгелек үстел өткізілді.

Аталған алқалы басқосу Қарағанды облысы әкімі аппаратының «Қоғамдық келісім» КММ директоры Т.К.Камалиевтің және Октябрь аудандық сотының төрайымы Ә.Т.Марданованың төрағалық етуімен өтті.

Күн тәртібіндегі өзекті мәселелер талқыланған іс-шараға Қарағанды облысы әкімі аппаратының «Қоғамдық келісім» КММ медиация бөлімінің қызметкерлері, «Мир добра» ҚБ президенті Т.А.Абрамова, кәсіби және қоғамдық медиаторлар, Октябрь аудандық сотының судьялары қатысты.

Іс-шарада облыстағы медиация институтын дамыту жолдары, Қарағанды облысы әкімі аппаратының «Қоғамдық келісім» КММ бірлесе жұмыс атқаратын медиаторлардың Октябрь аудандық сотымен өзара ынтымақтастық мәселелері талқыланды. 

Кездесудің соңында қатысушылар халыққа медиация институтын түсіндіру бойынша ақпараттық-насихат жұмыстарын жандандыруға қатысты ұсыныстарын айтып, бұл бағыттағы негізгі ұсыныс қабылданды.

Отырыстың қорытындысы ретінде тараптар Октябрь аудандық сотында медиация кабинеті ашылады және аталған кабинетте Қарағанды облысы әкімі аппаратының «Қоғамдық келісім» КММ бірлесе жұмыс атқаратын медиаторлар құқықтық түсіндіру жасайтын болады деген тұжырымға келді.

Дата события ассамблеи: 09.11.2017

Кейін қарай