2011 жылдың 5 тамызында Қазақстанда «Медиация туралы» заң күшіне енген болатын. Қазір бұл туралы терең зерттеліп, бірқатар жұмыстар атқарылып,  кең ауқымды жобаға айналып отыр. Осыған байланысты, «Алас» құқықтық қолдау орталығының өкілдері Маңғыстау облыстық әкімшілігі аппаратының «Қоғамдық келісім» КММ мемлекеттік әлеуметтік тапсырысы аясында «Достық үйінде» медиация тақырыбында дөңгелек үстел өткізді. Қазақстан халқы Маңғыстау облыстық ассамблеясы хатшылығының меңгерушісі Гүлжан Мақсұтқызы Исмурзина басшылық жасаған жиынға этномәдени бірлестіктер  өкілдері қатысты.

Медиация - адамдар қарым-қатынас жасайтын барлық ортада, солардың ішінде, оқу орындарында орын алған дау-дамайлар мен қақтығыстарды бейбіт жолмен шешу технологиясы.

Жиында «Алас» құқықтық қолдау орталығы  «Медиацияны дамыту» жобасын таныстырды.

Бұл жоба аясында оны іске асыру жүйесін таныстыру; ақпаратты толықтыру; сенім телефонын орнату; медиация көмегімен дауларды шешу жолдарын іздестіру; Маңғыстау облысы тұрғындарын медиция туралы құлақтандыру үшін тренингтер өткізу, медиаторлар дайындау, Маңғыстау облысында білікті медиаторлар санын арттыру, «Мектеп медиациясы» атты дөңгелек үстел жиындарын өткізу  шаралары қолға алынады.

Қатысушылар Маңғыстау облысының барлық мемлекеттік органдары мен медиаторлар арасында тығыз байланыс болу қажет екендігін айтты. Сондай-ақ облыстағы мекемелер мен мектептердегі медиацияны дамыту жолдары талқыланды. Тәжірибесіз медиаторларға жүйелі түрде медиацияны үйретіп отыру, ал тәжірибелі медиаторларға дайындық курсынан өту ұсынылды.

МОӘА «Қоғамдық келісім» КММ баспасөз қызметі

Кейін қарай