Қазақстан халқы Ассамблеясының жылсайынғы «Мектепке жол» қайырымдылық акциясы Павлодар өңірінде де жалғасын тапты.

Қайырымдылық іс-шараларын өткізу Павлодар облысындағы этномәдени бірлестіктердің өкілдері мен Қазақстан халқы Ассамблеясының мүшелері үшін дәстүрге айналған.

Жаңа оқу жылы қарсаңында облыстық этномәдени орталықтар халықтың әлеуметтік осал топтарынан шыққан балаларға көмек көрсетуге барынша үлес қосып келеді.

Аталмыш акцияның маңызы орасан зор. Себебі баланы мектепке дайындау және оған қажеттінің барлығын сатып алу – біршама қаржыны талап етеді. Әсіресе, бірден бірнеше бала тәрбиелеп отырған отбасылар үшін өте қиын. Олардың әрқайсысы оқу жылына дайындалып, барлық қажетті кеңсе тауарларымен қамтамасыз етілуі керек.

Осы орайда, Павлодар облысы ҚХА этномәдени бірлестіктерінің қолдауымен 23 тамызда өткен қайырымдылық акциясы «Жомарт жан» орталығының бастамасымен ұйымдастырылды.

Іс-шараға Павлодар облысындағы «Жомарт жан» орталығының төрайымы Аурика Георгиевна Дяк, «Тәжік этномәдени орталығы» ҚБ төрағасы Хусайн Шомахмадович Гулов, «Фин-угор этномәдени орталығы» ҚБ төрайымы Ольга Леонидовна Николашина қатысып, балаларға мектеп жиынтықтарын сыйлай отырып, жаңа оқу жылында толағай табыстар тіледі.

Кейін қарай