Ақмола облысы әкімі аппараты жанындағы «Қоғамдық келісім» мекемесінде этномәдени орталықтың бүлдіршіндеріне арналған концерттік бағдарлама болып өтті. Аталмыш іс – шарада этномәдени бірлестіктердің балаларынан құралған би ұжымдары өз шығармашылықтарын ортаға салды. Концерт соңы мекеме басшылығының балаларға тарту еткен сыйлықтарымен жалғасын тапты. Кейін бүлдіршіндер «Менің арманым» атты тақырыпта ауладағы асфальт бетіне қиялындағы суреттерін салды. 

Концерттік бағдарлама барысында балалар назарына Бяка-Забияка мен күлдіргі персонаждар көрсетілген ертегі ұсынылды.

Балалар би ұжымы «Буратино», еврей және неміс ұлттық билерін көрермен назарына ұсынды. Жетекшісі - хорегораф Ирина Лобанова.

Әсіресе бұл мерекені «Шаңырақ» тілдерді оқыту мектебінің оқушылары түрлендіре түсті. Кәріс этномәдени орталығы мен «Вайнах» шешен-ингуш этномәдени бірлестігінің белсенділері  ән мен биден шашу шашты. Бұл күнгі мерекемен құттықтауға «Little Мiss & Mini Mister Kokshetau»  байқауының жеңімпаздары келіп, әсем ән орындап берді.

Мереке соңында Хариғазы Нұриза «Қазак елі осындай» әнін шырқаған кезде 80-ге жуық бала қолдарына жалаушалар ұстап, сахнаға шықты. Осылайша балалардың өнер көрсетуімен мемлекеттік рәміздер мерекесі шымылдығын жапты. Ол Бурабай станциясынан келген оқушылар мен көкшетаулық бүлдіршіндер үшін ұмытылмас мерекеге айналды.

 «Қоғамдық келісім»

мекемесінің баспасөз қызметі

Кейін қарай