Бүгін Астанада ҚХА жылының аясында «Тіл-татулық тірегі» атты тақырыпта республикалық байқау басталды. Аталған шара екі күнге жоспарланған.

Қазақстан халқы Ассамблеясы құрылғаннан бергі 20 жыл ішінде мемлекеттік тілді дамытуға арналған шараларға Ассамблея мүшелері белсенді ат салысып келеді. Нәтиже жоқ емес. Орындалған ілкімді істерге уақыт төреші. Бүгін Астанада ҚХА жылының аясында «Тіл-татулық тірегі» атты республикалық байқаудың қорытынды кезеңі басталды. Аталған шараны Мәдениет және спорт Министрлігінің Тілдерді дамыту және қоғамдық-саяси жұмыс комитеті мен ҚХА ұйымдастырды. Айта кетейік бұл қорытынды сынға осыған дейін өз өңірлерінде өткен байқаулардың жеңімпаздары қатысуда. Олардың жалпы саны 16 үміткер. Мақсат, Қазақстанда тұратын өзге ұлт өкілдерінің арасында қазақ тілінің қолдану аясын кеңейтіп, оқып үйрену. Мемлекеттік тілді жетік меңгеріп білуге арналған байқау бірнеше кезеңнен тұрады. Алдымен үміткерлер қазақ тілінде шығарма жазу арқылы өзара шеберліктерін сынға салды. Шара барысында жиналғандар бұқаралық ақпарат құралдары өкілдерімен кездесіп, баспасөз мәслихаты өткізілді. Жиынға ҚР Парламентінің депутаттары қатысып, байқауға қатысушылармен жүздесіп, мемлекеттік тіл төңірегіндегі ойларымен бөлісті. Байқау қорытындысында жеңімпаздар марапатталып, концерттік бағдарлама ұсынылады.  

Кейін қарай