Мінеки, жаз да келіп қалды, көптен күткен жылы күндер, табиғаттағы ойындар, достармен кездесулер және тағы басқалары. Әр бала 1 маусымды асыға күтеді, себебі ең көңілді мезгіл келіп, ол Балаларды қорғау күні – тамаша мейрамынан басталады.  

Мерекеге орай Достық үйінің алаңында концерт және «Ақ гүл» қайырымдылық жәрмеңкесі өтті. Ұйымдастырушылар – Солтүстік Қазақстан облысының орыс қауымы, «Свитанок» украин орталығы, «Радзiма» белорус орталығы, «Союз Казаков Горькой линии» қоғамдық бірлестігі, дала өлкесінің казактары, сондай-ақ «Северный ветер» мотоклубы.

Осы әсерлі концертті тамашалауға жүздеген көрермен жиналды. Жексенбілік мектептердің тәрбиеленушілері көпке таныс балалар әндерін орындады. «Батыр» балабақшасының балғындары, мектептен тыс жұмыс бойынша қалалық балалар-жасөспірімдер орталығының, № 8 орта мектептің және № 1 өнер мектебінің тәрбиеленушілері қала тұрғындарына көңілді билер, балалық туралы өледер, театрға бейімделген көріністер сыйлады. Қолданбалы өнер жұмыстарының көрмесін «ЮНЕСКО» клубы, көркемөнер лицейінің оқытушылары мен оқушылары ұйымдастырды. Қайырымдылық қызметке өз үлестерін қоса отыра, қала тұрғындары суреттерді, тұрмыстық сәндік бұйымдарды, сондай-ақ ақ гүлдерді сатып алу мүмкіндігіне ие болды. Ақ гүл – тазалық, бейбітшілік пен махаббаттың символы, оны белгілі бір сомаға сатып алып, әр адам сәби Александр Баторинге қаражат жинауға көмек берді, сәбиде Пруно Бели синдромы, жақтың екі буынында шықшыт буыны және  артрогрипоз. Жиналған жалпы сома 144.000 теңгені құрады.

Игі іс жасаған әр жанға алғыс айтамыз. Әлемдегі барлық балалар әрқашан аман, бақытты және көңілді болсын, балалық шақ – өмірдегі ең тамаша кезең. 

«Солтүстік Қазақстан облысы әкімінің аппараты» ҚММ

«Қоғамдық келісім» КММ баспасөз қызметі

Кейін қарай