Елордалық Достық үйінде Нұр-Сұлтан қаласы Қазақстан халқы Ассамблеясы Аналар кеңесі «Қазақстан псхиологтары одағының» қолдауымен «Өзіңе сен!» тақырыбында мотивациялық семинар-тренингі өткізді.

Оның жұмысына психолог Гүлзат Төлегенова, нумеролог Айнұр Сағатова және тағы басқалары қатысты.

Елордалық ҚХА Аналар кеңесінің төрайымы Алтынай Тәңірбергенова жиналғандармен кеңес жұмысы жөнінде ақпараттармен бөлісті. Оның сөзінше Достық үйі ғимаратында аталмыш дәрістер дәстүрлі түрде өткізіліп тұратын болады.

«Аналар кеңесі жанында йога, бізбен тоқу, атқа міну және өзін-өзі дамыту клубтары жұмыс істейді. Алдағы уақытта танымал бизнес-тренерлер, ұстаздар мен кәсіби әр түрлі маман иелерін шақыру ойымызда бар. Бүгінгі семинардың мақсаты - қатысушылардың өзін-өзі құрметтеу және қабылдау негізінде сенімділік сезімін дамыту, оларды қоршаған адамдармен қарым-қатынастың тиімді дағдыларын меңгеруге бейімдеу», - деп атап өтті А. Тәңірбергенова.

Семинар-тренинг барысында қатысушылар мамандардың берген тапсырмаларын орындап, уақыттарын тиімді өткізіп, қосымша жаңа мағлұмат алып шықты.

Кейін қарай