Нұр-Сұлтан қаласындағы Достық үйінің коворкинг алаңында Мемлекет басшысы Қасым-Жомарт Кемелұлы Тоқаевтың «Жаңа жағдайдағы Қазақстан іс-қимыл кезеңі» атты Қазақстан халқына арналған Жолдауын талқылау мақсатымен ҚХА «Жаңғыру жолы» республикалық жастар қозғалысы қалалық штабының келелі жиыны өткізілді.

Пікіралмасуға негізделген жиынға Нұр-Сұлтан қаласы ішкі саясат басқармасы этносаралық қатынастар мәселелері жөніндегі бөлім басшысы Л.С. Құсайынова, ҚХА «Жаңғыру жолы» республикалық жастар қозғалысы қалалық штабының жетекшісі А. Тимощенко-Боровикова, Л.Н. Гумилев атындағы ҚХА кафедрасының доценті, Phd докторы, Нұр-Сұлтан қаласы ҚХА ғылыми-сараптамалық тобының төрағасы Х. Маслов, «Нұр Отан» партиясы «Жас Отан» жастар қанатының өкілдері, елорда этномәдени бірлестіктері жастар қанатының өкілдері, медиаменеджер, продюсер, гуманитарлық ғылым магистрі А. Шаримов және тағы басқалар қатысты.

Жиналғандар алдында сөз сөйлеген Нұр-Сұлтан қаласы ішкі саясат басқармасы этносаралық қатынастар мәселелері жөніндегі бөлім басшысы Л.С. Құсайынова Президенттің Жолдауындағы негізгі мәселелерге тоқталып өтті:

«Мемлекет басшысының Жолдауында еліміздегі түрлі сала алдында тұрған міндеттер кеңінен қамтылды. Соның ішінде білім саласының қашықтықтан оқыту ісі бойынша атқаратын міндеті айқындалған. Дегенмен, еліміз қол жеткізген жетістіктер де жетерлік. Соның бастысы, әлеуметтік-экономикалық ахуалдың дамуына негіз қаланып, әлемдік деңгейде зор беделге ие болдық»-деді сөз орайында Л.С. Құсайынова.

Баяндамашылардың дерлігі Мемлекет басшысының Жолдауына бірауыздан қолдау білдіріп, тұтастықты сақтауға, Жолдауда көрсетілген негізгі міндеттерді іс жүзінде сапалы орындауға сенім білдірді.

Кейін қарай