Ақтаудағы Нәсіпқали Марабаев атындағы №7 мектептің оқушылары Қазақстан халқының тілдері күніне орай мерекелік іс-шара ұйымдастырып, оған ҚХА Маңғыстау облыстық хатшылығы, оқушылар, мұғалімдер мен этномәдени бірлестік төрағалары қатысты.

Ақтаудағы Нәсіпқали Марабаев атындағы №7 мектептің оқушылары Қазақстан халқының тілдері күніне орай мерекелік іс-шара ұйымдастырып, оған ҚХА Маңғыстау облыстық хатшылығы, оқушылар, мұғалімдер мен этномәдени бірлестік төрағалары қатысты.

Мерекелік іс-шарада мектеп оқушылары қазақ, орыс, ағылшын тілдерінде ән салып, би билеп, жұртшылықты бір серпілтті.

Нәсіпқали Марабаев атындағы №7 мектеп Қазақстан халқының тілдері мерекесін жыл сайын дәстүрлі түрде атап өтеді, - дейді қазақ тілі мен әдебиеті пәнінің оқытушысы Айжан Қойшыбаева. «Биылғы мереке Қазақстан халқы Ассамблеясының 20 жылдығына тұспа-тұс келіп отырғандықтан, біздің балалар биыл ерекше дайындалды. Қыркүйек айының 19-нан бастап, біз түрлі іс-шаралар ұйымдастырып жатырмыз. Барлығыңызға белгілі осы Ақтау қаласы бойынша біздің мектепте түрлі ұлт өкілдерінің балалары тәлім-тәрбие алады. Бізді кейде көпэтносты Қазақстанның көшірмесі дейді. Біз барлық мерекеге арнап түрлі тәрбие сағаттарын ұйымдастырамыз», - деді ұстаз.

Бағдарлама соңында іс-шараға арнайы шақырылған қонақтар сөз сөйлеп, оқушыларға сәттілік тіледі.

МОӘА «ҚОҒАМДЫҚ КЕЛІСІМ» КММ БАСПАСӨЗ ҚЫЗМЕТІ

Кейін қарай