Бүгін, 4 тамызда, «Байзар» сауда-ойын сауық орталығында Атырау облысы "Қоғамдық келісім" КММ медиация кабинеті мен "Халықаралық медиация орталығы" РҚБ-нің Атырау облысы бойынша өкілдігінің заңгер-медиаторларымен бірлесе ұйымдастырған қоғамдық қабылдау өтті.

Азаматтармен жүзбе-жүз жүздесіп, онлайн форматта да қабылдау жүргізген аталған өкілдік директоры Г. Марданова, адвокат-медиатор Ж.Жұмалиева, заңгер-медиаторлар Б.Өтеғалиев, Ж.Өтегенова, Ғ.Мұғаепов, Қ.Ахметова, А.Куанышкереев, Қазақстан Республикасындағы адам құқықтарын қорғау бойынша Уәкілдің өкілі А.Әбілдаев халықтың құқықтың сауатын ашуға көмектесіп, медиация туралы жалпы түсінік берді. Қабылдауға келген азаматтар алимент берешегі, қарыз және еңбек дауы, банктік несиеге қатысты өздерін толғандырған сауалдарға толыққанды жауап алды. Кәсіби мамандардан тегін кеңес алған жергілікті тұрғындар іс-шараны ұйымдастырушыларға шынайы ризашылық білдірді.

Қоғамдық қабылдаудан соң Атырау облысы Ішкі саясат басқармасы "Қоғамдық келісім" КММ бір топ медиаторды кәсіби мереке күні Құттықтау хатпен ұлығылады.

Кейін қарай