Оңтүстік Қазақстан облыстық Қазақстан халқы Ассамблеясы жанынан құрылған Қоғамдық келісім кеңесінің отырысы болып өтті.

Мәжіліске Кеңес мүшелері, облыстық ассамблея хатшылығы мен  облыстық салалық мемлекеттік мекемелердің басшылары және бұқаралық ақпарат құралдарының өкілдері  қатысты. Отырысты Кеңес төрағасы, белгілі қоғам қайраткері Орынбай Рахманбердиев жүргізіп отырды.

Отырысқа  қатысқан  Қазақстан Республикасы Президенті Әкімшілігі Қазақстан халқы Ассамблеясы хатшылығының сектор меңгерушісі Нәзипа Шанаи сөз сөйлеп, Кеңес мүшелеріне өз ұсыныстарын айтты.

Сонымен қатар, Кеңес  отырысының күн тәртібіне орай облыстық білім басқармасы басшысының орынбасары Ержан Бұрханов және облыстық әділет департаменті азаматтық хал актілерін тіркеуді және апостильдеуді қамтамасыз ету және бақылау бөлімі басшысының міндетін атқарушы Лариса Өмірбекова атқарған жұмыстары бойынша есеп берді.

Алдағы уақытта, облыс жұртшылығы арасынан іріктелген 1603 Қоғамдық кеңес мүшесі тұрғындар мен жергілікті атқарушы билік арасын байланыстыратын «алтын көпір» болумен қатар, тұрғындарды толғандыратын мәселелердің дер кезінде шешілуіне ықпал етпек. Елдің талап-тілегін мұқият тыңдап, билікке жеткізетін, оның орындалуына қоғамдық бақылау орнататын Қоғамдық келісім кеңесі қоғамдық алқалы институт болып қалыптаспақ.  

Кейін қарай