Достық үйінің конференц залында Қоғамдық келісім кеңестерінің форумы болып өтті. Іс-шара қоғамдық бақылаудың тетігі ретінде Қоғамдық келісім кеңестерінің бірлікті нығайтудағы, сондай-ақ халықтың өзекті мәселелерін шешудегі рөлін арттыру мақсатында өтті.

Форум Солтүстік Қазақстан облыстық Қазақстан халқы ассамблеясы хатшылығы атынан қоғамдық келісім кеңестерінің қызметіне белсене қатысқан аудандарға салтанатты түрде грамоталар табыстаудан басталды.

Іс-шараны облыстық қоғамдық келісім кеңесі төрағасының орынбасары, «Қоғамдық келісім» КММ басшысы Ә. Есқожа ашты, ол іс-шараға қатысушыларды Қазақстан Республикасы Тәуелсіздігінің                             25 жылдығымен құттықтап, жиналған қауымды Форум жұмысымен таныстырды.

Іс-шарада Қоғамдық келісім кеңесінің қызметі жөнінде түсіндірме жұмыс жүргізілді, келесі жылға Кеңестің алдағы жұмысына мақсаттар мен міндеттер қойылып, Кеңес қарары қабылданды. Қазақстан халқы ассамблеясы «Ақсақалдар кеңесінің» төрағасы Фанис Литфуллин, «Содружество» Солтүстік Қазақстан Медиация және құқық орталығы» ҚБ төрайымы  Галина Пехотина, Аққайың ауданының ішкі саясат бөлімінің бас маманы  Арман Дүйсенбинов, Ақжар ауданы «Айгөлек» балабақшасының әдіскері  Торғын  Сабирова  баяндама жасады.

Кеңестер ҚХА жанындағы консультативтік-кеңесші орган ретінде қызмет етеді, олардың құрамына ардагерлер ұйымдарының, саяси партиялардың өкілдері, қоғамдық көзқарастың, ғылыми және шығармашылық зиялылар, үкіметтік емес ұйымдардың, этномәдени бірлестіктердің, мемлекеттік органдардың көшбасшылары енген.

Қоғамдық келісім — бұл Ұлттық жоспар мен «Мәңгілік ел» жалпы ұлттық патриоттық идеясын іске асыру үшін жағдайлар жасаудың, сонымен бірге елді жаңғыртуға азаматтық қатысу деңгейін арттырудың маңызды құралы.

«Солтүстік Қазақстан облысы әкімінің аппараты» ММ

«Қоғамдық келісім» КММ баспасөз қызметі

Кейін қарай