2023 жылдың 29 қыркүйегінде Қазақстан Республикасы Мәдениет және ақпарат министрлігінің «Қоғамдық келісім» РММ-де өңірлік әкімдіктерінің ішкі саясат, қоғамдық даму басқармаларының және ҚХА хатшылықтары қызметкерлерімен этносаралық қатынастар мәселелері бойынша жұмыс кездесуі өтті.

Бұл жұмыс кездесуі делегация өкілдерін «Қоғамдық келісім» республикалық мемлекеттік мекемесінің қызметімен таныстыру мақсатында ұйымдастырылды.

Кездесу модераторы «Қоғамдық келісім» РММ директоры Элина Масагутова өз сөзінде ұйым мемлекеттік саясатты тікелей іске асыратынын, Ассамблеяның қызметін және этносаралық қатынастар саласындағы жобаларды қамтамасыз ететінін атап өтті.

ҚХА Қоғамдық құрылымдарымен, оның ішінде Медиация кеңесімен, Аналар кеңесімен, Ақсақалдар кеңесімен, «Ассамблея жастары» РҚБ, Кәсіпкерлер қауымдастығымен, Этномәдени бірлестіктермен және Ассамблеяның басқа да қоғамдық құрылымдарымен өзара әрекеттесу тетіктері туралы директордың орынбасары Нұрлан Шұбаев сөз сөйледі..

Ақпараттық жұмыс және қоғаммен байланыс басқармасының басшысы Оразәлі Сәрсенов жүргізіліп жатқан ақпараттық-түсіндіру жұмыстары мен этносаралық қатынастар саласын жариялау ерекшеліктері туралы айтып берді.

Жұмыс кездесуі соңында қатысушылар іске асырылып жатқан бағыттардың жұмыс сапасын арттыру бойынша пікір алмасып, ұсыныстарды ортаға салды.

Кейін қарай