21-ші қаңтар күні облыс әкімшілігінде аймақ басшысы Қырымбек Көшербаев Татарстан Республикасының астанасы – Қазан қаласынан облыстық татар этномәдени бірлестігінің 25 жылдығына арнайы келген қонақтарды қабылдады. Олар Дүниежүзілік татарлар конгресі атқару комитеті төрағасының бірінші орынбасары Данис Шакиров, Татарстан Республикасының халық әртісі Фердинанд Фатхи, Халықаралық конкурстар мен фестивальдердің лауреаты Сирина Зайнутдинова.

Облыс әкімі Қырымбек Елеуұлы «Қазақ пен татарлар ежелден бір-бірімен аралас,  мәдениеті, салт-дәстүрі ортақ, тілі туыс түбі бір түркі халқы. Күні бүгінге дейін араластығы ажыраған жоқ. Экономикалық-рухани байлығы күннен күнге артып келеді. Бүгінде Сыр елінің білім қуған жастары Қазан қаласының жоғары оқу орындарында білім алып, ғылыми ізденістерін жетілдіруде», -  дей келе, облыстағы татар этномәдени бірлестігінің 25 жылдық мерейтойымен құттықтап, бірлестіктің жеткен жетістіктеріне тоқтала кетті.

Мерекенің қарсаңында Татарстан Республикасынан келген қонақтар Сыр елін аралап, Қорқыт Ата атындағы Қызылорда мемлекеттік университетінің бас оқу ғимаратында орналасқан «Елбасы және Тәуелсіз Қазақстан» оқу-көрме залымен танысты. Сондай-ақ, Қазан университетінде оқыған магистрантармен жүздесіп, пікір алмасты.

Одан кейін, Қазақстан-Қызылорда облыстық телеарнасының «Менің Қазақстаным» бағдарламасына сұқбат беріп, қаланың бірқатар көрікті жерлерін аралады. 

Кейін қарай