Қазақстан халқының бірлігін нығайтатын мұндай бастаманы «Санги-Кабуд» тәжік ұлттық-мәдени орталығы» қоғамдық бірлестігінің төрағасы Умар Шоназаров ұсынды.

Қазақстан халқының бірлігін нығайтатын мұндай бастаманы «Санги-Кабуд» тәжік ұлттық-мәдени орталығы» қоғамдық бірлестігінің төрағасы Умар Шоназаров ұсынды. 

Умар Шоназаров осы айдың басында өңірдегі жұмысшы жастардың басын біріктіріп, Ақмола облыстық ассамблеясының жанынан «Ақмола ҚХА» спорттық командасын құрып, артынша Ақмола облысы әкімінің кубогі үшін тұңғыш турнирдің ұйымдастырды. Облыстық деңгейде өткен жарыстың басты талабы – қатысушылардың құрамында кем дегенде бес этнос өкілі болуы шартты. Қазіргі таңда «Ақмола ҚХА» футбол командасының құрамында он бір этностың өкілі бар. 

Бастапқыда ауыл мен қала жастарының жұмыстан кейінгі уақыттарын тиімді өткізуді ғана көздеген іс-шара қазір Ассамблея бастамаларын қолдап, олардың жобаларын жүзеге асыратын қозғалысқа айналды.

Мыңға жуық жастың басын біріктірген спорттық ұйым облыстық ассамблеялар арасында футболдан республикалық турнир ұйымдастыру, ұлттық спорт түрлері бойынша олимпиада өткізуді жоспарлап отыр. Белсенділер тек спорттық іс-шаралармен шектеліп қалмай, әлеуметтік жағдайы төмен топтармен жұмыс жасап, қариялардың үй шаруасына көмектесіп отырады. Сонымен қатар жұмыссыз жүрген жастарды жұмысқа орналастыруға көмектесіп, жастарға салауатты өмір салтын дәріптейді. 

«Алға қойған мақсаттарымыз көп, себебі, келер 2019 жыл – Жастар жылы деп жарияланды», – деді Умар Шоназаров.

Кейін қарай