Облыс əкімі, БҚО ҚХА төрағасы Алтай Көлгіновтың төрағалығымен болған жиынға мемлекеттік органдар басшылары, аудан əкімдері, облыстық мəслихат депутаттары, ҮЕҰ, БАҚ өкілдері қатысты. 
Батыс Қазақстан облысының  әкімі БҚО ҚХА төрағасы Алтай Көлгінов баяндама жасады, өз сөзінде  Алтай Сейдірұлы Елбасы, Қазақстан халқы Ассамблеясының Төрағасы Н.Назарбевтың Ассамблеяның 24-сессиясында берген тапсырмаларынан туындайтын міндеттерге тоқталды. «Мәңгілік Ел»  жалпыұлттық патриоттық актісімен әр қазақстандық таныс болу керек, онда  біздің  болашағымыз үшін ортақ жауапкершілік,   негізгі азаматтық құндылықтар  бекітілген», - деді өз сөзінде Алтай Сейдірұлы.

Қазіргі таңда  Батыс Қазақстан облысы Қазақстан халқы Ассамблеясы  Ұлт жоспарының  4-реформасы бойынша өзіне жаңа қызметтік бағыттар алып отыр, соның бірі – қайырымдылық.  Облыс әкімі  облыстық ассамблеяның мүшелеріне, өңірімізде тұратын түрлі этнос өкілдеріне үлкен істердің басында жүргендері үшін шын жүректен алғысын  білдірді  

Жиын барысында сондай-ақ облыстық ассамблея жанындағы ақсақалдар кеңесінің төрағасы Рахметолла Сүйірбаев, «Грамада» беларус этномəдени орталығының жетекшісі Михаил Беляев, БҚО ҚХА жанындағы аналар кеңесі төрайымының орынбасары Рада Хайрушева, Назарбаев университетінің студенті Темірлан Жекенов, Орал қалалық қоғамдық келісім төрағасының орынбасары Феликс Баюканский елдегі тұрақтылық, аға буын, жастар, ұрпақ сабақтастығы, қайырымдылық, кəсіпкерлік, үш тілділік турасында өз ой-пікірлерін ортаға салды. Сессия соңында тиісті шешім қабылданды.

«Қоғамдық келісім» КММ –нің баспасөз қызметі

Кейін қарай