ҚХА Аналар кеңесі төрағасы Назипа Ыдырысқызы Шанаи Жетісу облысы, Панфилов ауданы, Жаркент қаласында Мемлекет басшысы Қасым-Жомарт Кемелұлы Тоқаевтың «Халық бірлігі және жүйелі реформалар – ел өркендеуінің берік негізі» атты Қазақстан халқына Жолдауын жүзеге асыру бойынша облыстық және аудандық Аналар кеңестері мүшелері және жергілікті тұрғындармен кездесті.

Кездесу барысында Жолдауды жүзеге асырудағы, этносаралық бірлікті сақтаудағы аналардың ролі мен атқаратын қызметі сөз болды.

Ақ жаулықты аналар қай кезде де елді ұйытып, ұйыстырып, ұйымдастырып отыратын бірліктің символы. Тек бірлігі жарасқан елде ғана ертеңгі күні уайымсыз, түні тыныш, тірлігі берекелі болмақ.

Бұл туралы өз баяндамаларында аудандық Аналар кеңестері төрағалары Бердіғұлова Күлғайша Бердіғұлқызы, Ақбасова Ғалия Ниязқызы және Дүйсебаева Ұлжалғас Бурасанқызы да тоқталды.

Шара соңы алдағы уақыт атқарылатын жұмыстың тиімді жоспары талқыланды.

Атқарылып жатқан жұмыс қыруар - атқырылуға тиісі асып түседі. Әлемде саяси ахуал ушығып тұрғанда ел ішіндегі мызғымас ынтымақ пен бейбітшілік үшін үздіксіз қызмет қыза түсуі керек.

Әр отбасы, әр әке мен ана қалыс қалмай өз ошағы аясында бейбітшілікті сақтау мен бірлікті нығайтуға дұрыс насихат жасап, күш салуы көп нәрсенің кілті - осы жолда бірлік артсын!

Кейін қарай