2025 жылғы 6–8 шілде аралығында Алматы қаласындағы Олимпиадалық даярлық орталығының стадионында Орталық Азиядағы алғашқы ашық халықаралық жеңіл атлетика турнирі ALATAU 2025 өтті. Жарыс Masters (35+) санаты мен әуесқой спортшылар (18–34 жас) арасында ұйымдастырылды.

Турнирді Қазақстан Республикасының жеңіл атлетика федерациясының қолдауымен Master Athletics Қазақстан федерациясы ұйымдастырды. Турнирдің қоғамдық серіктесі Қазақстан халқы Ассамблеясы.

Іс-шараға Қазақстанның барлық өңірінен 300-ден астам спортшы, сондай-ақ Болгария, Ресей, Беларусь, Украина, Өзбекстан және Қырғызстан елдерінен келген қонақтар қатысты. Қатысушылардың жас аралығы 18 - 85. Бір спорт алаңында қазақ, орыс, корей, татар, украин, неміс және басқа да көптеген этностардың өкілдері бас қосты.

Турнирдің басты мақсаты белсенді әрі ұзақ өмір сүру қағидасыннасихаттау, бұқаралық спортты дамыту және этносаралық келісімді нығайту. ALATAU 2025 кәсіби спортшылар мен этностарды біріктіргенерекше алаң.

Жарыс жолына Қазақстан мен әлем спортының аңызға айналған тұлғалары, Сергей Поликарпов, Марат Балтабаев, Амегульсин Мусульманова, Куляш Тулебаева, Римма Воеводина, Валерий Жумадилов, Любовь Асанова, Михаил Сорокивский және басқа танымал спортшылар қатысты.

ALATAU 2025 этностар арасындағы бірлік пен келісімді нығайтатын жаңа бастама. Бұл турнир біздің татулықта өмір сүретін ел екенімізді тағы бір дәлелдеді.

Кейін қарай