24 мамыр жыл сайын күллі әлемде славян жазуы мен мәдениетінің күні тойланады. Мерекенің тарихы жаңа ғасырдың ежелгі оныншы (кейбір деректер бойынша – он бірінші) ғасырына жатады. Бұл күн сол кездері қасиетті Кирилл мен Мефодий атауына ие болып, олар әліппенің авторына айналды.

Ақмола облысының орыс қоғамы жыл сайын осылайша славян жазуы мен мәдениеті күнін тойлайды. Осы жылы мерекені қоғамдық келісім сарайының төрінде «Русская песня» халық ансамблі «Колокола» әнімен ашты. Ансамбльдің басшысы Зоя Авилованың айтуынша әнді таңдаудың өзі кездейсоқ емес, себебі дәл осы қоңырау мерекенің символы болып табылады.

Шіркеу қызметшісі Валерий Анфёров келушілерді мерекемен құттықтап, қасиетті Кирилл мен Мефодий құрған жазудың ағартушылыққа, әдебиет пен өнердің дамуына жол ашқанын айтып өтті. Бұл мереке бізге өзіміздің мәдени кеңістігімізді, салт-дәстүрлерімізді еске түсіреді.

Мереке орыс тілі бойынша олимпиада жеңімпаздарын және Ақмола облысының оқытушы-филолог мамандарын марапаттаумен жалғасты.

Көкшетау мектептерінің оқушылары мен мұғалімдерінің дайындауындағы концерттік бағдарлама өзінің репертуары мен алуан түрлілігімен тамсандырды! Вокалдық фольклорлық нөмірлер, қасық аспаптарында ойнайтын ансамбль, әсерлі билер көрермендердің жүректерін елжіретіп, ду-қол шапалақ таусылған емес.

«Қоғамдық келісім» КММ басшысының орынбасары Манат Исмағұлов тіл мен мәдениеттің мемлекеттіліктің негізі екенін айтып, мәдени және рухани мұраны, тілді құрметтеуге шақырды.

Ақмола облысы Орыс қоғамының төрағасы Александр Артеменко қонақтарды мерекелік күнмен құттықтап, барлықтарына өздерінің тарихын, мәдениетін, әдебиетін мәңгі есте сақтауға кеңес берді.

Кейін қарай