Ағымдағы жылдың 8 қаңтар күні Осакаров ауданына ҚР Парламенті Мәжілісінің депутаты, Қазақстан халқы Ассамблеясының мүшесі Сауытбек Абдрахманұлы Абдрахманов жұмыс сапарымен келді.

Келелі кездесуге жергілікті әкімдер, аудандық мәслихат депутаттары,  этномәдени бірлестіктердің, Аналар кеңесінің, Қоғамдық келісім кеңесінің жетекшілері мен өкілдері, Осакаров кентінің №1, №12 орта мектептерінің сонымен қатар, №9 гимназияның ұстаздары және БАҚ қатысты. Әлеуметтік-мәдени даму саласындағы мәселелерді талқылау, ашық кездесу жұмысын аудан әкімінің орынбасары А.Шалабаева жүргізіп отырды.

 Жұмыс сапары барысында мәжілісмен сайлаушыларға Парламенттің кейінгі сессиясы бойынша атқарылған жұмыстар жайында баяндап, Елбасының Қазақстан халқына Жолдауы және «Болашаққа бағдар: рухани жаңғыру» мақаласындағы басты тақырыптар қатарынан табылды. Білім беру, мемлекеттік сатып алу заңдарына өзерістер енгізу мәселелері де назардан тыс қалған жоқ.

Мемлекеттік билік тармақтары арасында өкілеттіктерді қайта бөлу мәселесі, Елбасының 2025 жылға дейін қазақ жазуын латын графикасы негізіндегі жаңа әліпбиге ауыстыру туралы Жолдаудағы ел алдына қойған мақсат-тапсырмасының орындалу барысы және халықты әлеуметтік қорғау, зейнетақы реформасы, жастарды патриоттық тәрбиелеу туралы шолып өтті.

Депутат аудан мектептері ресурс орталығында қашықтықтан оқыту, роботты техника тәжірибесімен танысты.

«Эльпида» этномәдени бірлестігінің жетекшісі О.Н.Попандопуло, аудан Аналар кеңесінің төрайымы Р.Қоғабекқызы халық қалаулысына ауданға арнайы келіп, маңызды ақпараттармен бөліскені үшін тұрғындар атынан алғыс айтты.

Қарағанды облысы әкімі аппаратының

«Қоғамдық келісім» КММ баспасөз қызметі

Дата события ассамблеи: 10.01.2018

Кейін қарай