Қостанай облысы ҚХА Аналар кеңесі қиын өмірлік жағдайға тап болған балаларды қолдау орталығына барды.

Қарлығаш Әбенова мен Ғайша Ерниязованың пікірінше, бүгінде өскелең ұрпақтың назарын еліміздің тарихын сақтау мәселесіне аудару өте маңызды. Сондықтан балалар үшін Жошы ұлысының құрылғанына 800 жыл толуына орай іс-шара өткізілді.

Оларға қазақ батырлары, олардың жорықтар кезіндегі батылдығы туралы баяндалды. Сондай-ақ, қонақтар балаларға күй ойнап беріп, киіз үй туралы театрландырылған қойылым көрсетті, онда киіз үйдің қандай бөліктерден тұратыны түсіндірілді. Ал балалар бір-біріне «асық ату» және «бес асық» ойындарын ойнауды үйретті.

Кездесу соңында Аналар кеңесінің мүшелері балаларды ұлттық тағамдармен: бауырсақ, құрт, талқан және тәттілері бар дастархан басына шақырды. Балалар мен тәрбиешілер кездесуге өте риза болды.

Кейін қарай