
29 Шілде, 2019
2724
Қостанайда шешен-ингуш мәдениетінің күні аталып өтті
Қостанай облыстық Достық үйінде вайнахтардың қазақ жеріне күштеп қоныс аударылуының 75 жылдығына және шешен халқының танымал бишісі Махмуд Эсамбаевтың 95-жылдығына орай шешен-ингуш мәдениетінің күні аталып өтті.
Мереке аясында шешен-ингуш халқының болмысынан хабар беретін көрме ұйымдастырылды, іс-шара қатысушыларына «чепалгаш» күлшесі ұсынылды. «Вайнах» шешен-ингуш этномәдени бірлестігі төрағасының орынбасары Таус Хайдукаеваның айтуынша, бұл ұлттық тағам дастарқанның берекесі болып табылады.
«Күлшелердің тәтті де жұп-жұмсақ болып шығуының себебі, олар ірімшік қосылған қамырдан иленеді, майға қуырылғаннан соң қайнаған суға малынады. Біз мұндай күлшелерді жиі әзірлейміз. Чепалгаш күлшелері қазақ халқының бауырсақтары сынды дәстүрлі тағам», – дейді Таус Султановна.
Қонақтардың кейбіреулері Тау қызы таратып жатқан дәмі тіл үйірер күлшелерден дәм татып жатқанда екіншілері шешен-ингуш халқының ұлттық аспаптары мен тұрмыстық заттары қойылған көрмені тамашалады.
Этномәдени бірлестіктің төрағасы Эльбрус Тимаев вайнахтардың арулармен танысып, тіл табысу сырын ашып берді. Олар бұлақ басында танысады екен.
«Дөңгелек құмыра ұстаған қыз тұрмыс құрған, ал сопақ құмырамен су таситын қыздың басы бос болып есептеледі, бұл кавказ халқының ерекшелігі», - дейді бірлестік төрағасы.
Концертті тамашалауға жүзден астам көрермен жиналды. Биыл өзінің 80 жылдығын атап өткен Қостанай облысының атақты өнер қайраткері Владимир Рыдченко алғашқы қатардан орын алды. Ол бұл мерекенің басты қонағы, себебі ол 1983 жылы ең танымал бишілердің бірі, КСРО-ның халық әртісі Махмуд Эсамбаевтың облысқа гастрольдік сапармен келуіне себепкер болған.
Іс-шара барысында вайнах халқының тарихындағы қайғылы сәттер де еске алынды. Биыл шешен-ингуш халқының қазақ даласына еріксіз қоныс аударғанына 75 жыл.
«Қонақжай қазақ еліне қоныс аударғанымыз – біз үшін бақыт. Бүгінгі мерекенің лезгинкадан басталғаны көңіл қуантады, себебі бұл биді қазақтар да, орыстар да бірдей билейді. Өзара түсіністік пен сыйластықты сақтау үшін біз өз тарихымызды ұмытпауымыз керек. Біз Тәуелсіз жолымызды сала бастағанда көптеген азаматтар елден кетті, ал бүгінде олар қайтып оралып, өз кәсібін құрып жатыр, себебі елімізде бейбітшілік пен келісім орнаған», - дейді Эльбрус Тимаев.
Көрермендер әртістермен бірге әсерлі ән шырқап, мың бұрала жалынды би биледі. Концерттен кейін этномәдени бірлестік өкілдері жастары мерекені дәстүрлі ловзармен жалғастырды.
Ұқсас жаңалықтар
-
Марат Әзілханов Жамбыл облысының «Масанчи жастары» қоғамдық бірлестігінің белсендісі З.Лировпен кездесті
-
Марат Әзілханов «Қазақстан ұйғырларының республикалық этномәдени орталығы» ҚБ төрағасы Д.Әлиевпен кездесті
-
Сергей Пономарев Қазақстанның орыс, славян және казак ұйымдары қауымдастығының басшысы болып сайланды
-
Алматы облысы Ұйғыр ауданында аудандық Қазақстан халқы Ассамблеясы құрылды
-
«Бірлік» халықаралық жастар лагерінің соңғы күні
-
Қордай аудандық Қазақстан халқы Ассамблеясының І сессиясы өтті
6 Қыркүйек, 22:51
Қордай аудандық Қазақстан халқы Ассамблеясының І сессиясы өтті
6 Қыркүйек, 11:28
Қарағанды облысында «Бірлік» халықаралық жастар лагері басталды
5 Қыркүйек, 22:32
ҚХА Төрағасының орынбасары Марат Әзілханов Батыс Қазақстан облысына жұмыс сапарымен келді
10 Қыркүйек, 17:29
Сергей Пономарев Қазақстанның орыс, славян және казак ұйымдары қауымдастығының басшысы болып сайланды
6 Қыркүйек, 16:48
Қазақстан халқы Ассамблеясының халықтық қолөнер фестивалі өтті
Ұқсас жаңалықтар
-
Марат Әзілханов Жамбыл облысының «Масанчи жастары» қоғамдық бірлестігінің белсендісі З.Лировпен кездесті
-
Марат Әзілханов «Қазақстан ұйғырларының республикалық этномәдени орталығы» ҚБ төрағасы Д.Әлиевпен кездесті
-
Сергей Пономарев Қазақстанның орыс, славян және казак ұйымдары қауымдастығының басшысы болып сайланды
-
Алматы облысы Ұйғыр ауданында аудандық Қазақстан халқы Ассамблеясы құрылды
-
«Бірлік» халықаралық жастар лагерінің соңғы күні
-
Қордай аудандық Қазақстан халқы Ассамблеясының І сессиясы өтті