Елбасы Нұрсұлтан Назарбаевтың Жарлығымен қыркүйек айының екінші жексенбісі елімізде отбасы күні аталып өтеді. "Отан отбасынан басталады" деп жатамыз. Отбасының береке-бірлігі әр сәбидің, әр баланың болашағына негіз қалайды. Өйткені, ұяда не көрсең, ұшқанда соны ілесің.

Елбасы Нұрсұлтан Назарбаевтың Жарлығымен қыркүйек айының екінші жексенбісі елімізде отбасы күні аталып өтеді. "Отан отбасынан басталады" деп жатамыз. Отбасының береке-бірлігі әр сәбидің, әр баланың болашағына негіз қалайды. Өйткені, ұяда не көрсең, ұшқанда соны ілесің.

Отбасы тіршілігінің ежелден қалыптасқан заңы бойынша, оны отағасы, отанасы, одан қалса, үлкен аға не әпке басқарады, олардың сөзін, ұйғарымын өзгелерді жерде қалдырмайды. Отбасы күнін атап өтудің негізгі мақсаты да –отбасы құндылықтарын жаңғырту, шағын мемлекеттіктегі береке мен бірлікті сақтау болып табылады.

Осы орайда Ақмола облысының «Чуваш этномәдени орталығы» қоғамдық бірлестігі «Қоғамдық келісім» мекемесімен бірлесе отырып, Қазақстан халқы Ассамблеясының 20 жылдығына орай балалар арасында отбасы тақырыбына арналған сурет байқауын өткізді. Бұл байқауға облыс орталығындағы балалар көркемсурет мектебінің оқушылары белсенді қатысты. Байқауға қазылық еткен «Чуваш этномәдени орталығының» жетекшісі Елена Мащинская, Достық үйі басшысының міндетін атқарушы Манат Исмағұлов, Қазақстан Суретшілер одағының мүшесі, ҚР Суретшілер академиясының корреспондет-мүшесі Дулат Қоспанов, Қазақстан халқы Ақмола ассамблеясы қолданбалы өнер ассоциациясының жетекшісі Людмила Яродская және суретші Петр Дермановский ең үздік суреттерді анықтады.

Әр сурет марапатталуға лайық еді. Олардың әрқайсысында баланың туған-туыстарына, отбасына, ата-анасына деген сүйіспеншілігі айқын бейнеленген. Қорытынды іріктеуге 20 жұмыс таңдалып алынды.

Бірінші дәрежелі дипломмен Нұрмағанбетова Ділназ, екінші дәрежелі дипломмен Калмакова Злата және үшінші дәрежелі дипломмен Низдельская Каролина марапатталып, оларға бағалы сыйлықтар табыс етілді. Байқауға қатысушы барлық оқушыларға сертификаттар тапсырылып, арнайы ынталандыру сыйлықтары берілді. Жүлдегерлерді құттықтаған Елена Мащинсая отбасы құндылықтарын дәріптеу - еліміздің алға қойған негізгі міндеттерінің бірі екендігін атап өтіп, барлық қазақстандықтарды отбасы күні мерекесімен құттықтады және береке мен бірлік тіледі.

«Қоғамдық келісім» КММ баспасөз қызметі

Кейін қарай