Қазақстан Республикасы Парламенті Мәжілісінің депутаттары, Қазақстан халқы Ассамблеясы Кеңесінің мүшелері Әбілфас Хамедов пен Вакиль Нәбиевтің «Ассамблея жастары» ҚБ қалалық филиалының активімен Алматы қаласының Достық үйінде кездесулері өтті.

Кездесу еркін пікірталас форматында өтіп, қатысушылар қаңтар оқиғасының зардаптарын жоюға, қоғамды трансформациялауға және жаңа саяси мәдениетті құруда жастардың қалай атсалысуы туралы талқылады.

Халық қалаулылары өңірлерге жасаған іс-сапарларының қорытындысы туралы жастармен бөлісіп, депутаттық қызмет жайлында айтып берді. Жастар өкілдері өз кезегінде «Ассамблея жастары» ұйымы филиалының жұмысына тоқталып, негізгі жобалармен таныстырды. Жастарды дамытудың келешегі, өзін-өзі жұмыспен қамтыған жастар мен NEET санатындағы жастарға кәсіптік бағдар беру, әскери-жоғары сынып оқушылары арасында патриоттық тәрбие беру, еріктілер жұмысының болашағы және осы институттың одан әрі дамуы бойынша сөз қозғалды.

Кездесу барысында қатысушылар мүмкіндігі шектеулі балалар үшін мүгедектер арбаларымен жабдықтау мүмкіндігін қарастыру туралы ұсыныс білдірді. Сондай-ақ, жастардың шетелге кетуі, мемлекеттік тілді дамыту, жұмысқа орналасуы, жастарды техникалық жоғары оқу орындарына оқуға тарту мәселелері де көтерілді.

Шараға «Ассамблея жастары» ұйымының Алматы қалалық филиалының мүшелері, этномәдени бірлестіктер жастар қанаттарының өкілдері мен ҚХА еріктілері қатысты.

Кейін қарай