26 тамыз күні Павлодар қаласының Достық үйінде Қазақстанның халық артисі, композитор Шәмші Қалдаяқовтың 95 жылдығына арналған «Ассамблея Шәмшінің әндерін шырқайды» атты музыкалық кеш өтті.

Іс-шара Қазақстан халқы Ассамблеясының «Мемлекеттік тіл – этносаралық қатынас тілі» және облыстық «Қазақша ән саламыз» жобаларының аясында ұйымдастырылды.

«Қазақ вальсінің королі» атанған Шәмші Қалдаяқов ұлттық мәдениет қазынасына 300-ге жуық ән қосты. Олардың қатарында Қазақстан Республикасының Әнұраны да бар. Композитордың әуендері ұрпақтарды біріктірген лирика мен шынайылықтың, ұлттық болмыстың символына айналды.

Концертте композитордың кеңінен танымал шығармалары – «Шынарым», «Бақыттымын, құрбылар», «Ақ бантик», «Ана туралы жыр», «Бәрінен де сен сұлу», «Сыған серенадасы», «Арыс жағасында», «Қаракөз» орындалды. Оларды Павлодар облысының этномәдени бірлестіктерінің шығармашылық ұжымдары шырқады. Кештің ерекшелігі әртүрлі этнос өкілдерінің қатысуында болды. Ш. Қалдаяқов әндері мәдениетаралық үндестік мен келісімнің көрінісі ретінде түрлі халықтарды біріктірді.

Кейін қарай