Өткен демалыс күні қаламыздың орталық саябағында «Бір отбасында тұрамыз» атты кезекті жазғы фестивалі өтті. Бұл күні мереке ұйымдастырушылары «Халкъан Барт» облыстық шешен-ингуш этномәдени бірлестігі болды. Бағдарлама көрермендері қатарында облыстық ҚХА мүшелері, ЭМБ төрағалары мен қатысушылары, қала қонақтары мен тұрғындары болды.

2015 жылы «Халкъан Барт» шешен-ингуш этномәдени бірлестігі өзінің 20-жылдығын атап өтті, көптеген белестерді бағындырып, жетістіктерге жетті. Ең бастысы, осы уақыт аралығында бірлестік Ертіс өңірінің вайнах халқының рухани шоғырлануна, аға буынмен, жастар және балалар арасындағы байланыс түйініне айналды. Осы туралы этномәдени бірлестіктің төрағасы Мумади Абдурашид айтып өтті. Ол фестивальдің барлық қатысушыларына, көрермендер мен қонақтарына алғысын білдіріп, шығармашылық табыс тіледі.

Іс-шараға қатысқан облыстқ ҚХА төрағасының орынбасары Жетпісбаев Сейсембай Қалижанұлы бірлестіктің мәдениет, салт-дәстүр, тілді дамытудағы жетістіктерін атап өтті. Сондай-ақ, өңірдегі бейбітшілік пен келісімді дамытудағы үлестері үшін орталықтың белсенді мүшелері алғыс хаттармен және бағалы сыйлықтармен марапатталды. 

Бұл күні мереке қонақтарына қызықты әрі көңілді бағдарлама ұсынылды. Фестивальді «Илли» ансамбілі «Отан» әнімен ашты. Сондай-ақ бұл топ «Мой Казахстан», «Чегардиг», «Алға» және «Наш Кавказ» әндерін орындады.

Би халық мәдениетіннің бір көрінісі болып табылады. Ұлттық сипатты айқын көрсететін, тәкаппар және айбынды би – кавказ лезгинкасын бүкіл әлем таниды және сүйсінеді. Іс-шара шеңберінде «Шовда» би ансамблі қонақтарға арнап «Қыздар биін» орындады. Сонымен қатар, «Ловзар» және «Таланты Казахстана» сайысында 1-ші орын иегері атанған «Деймохк» би ансамбілдері вайнах халықтық билерін орындады.

 «Екеуі бірігіп, тауды да орнынан қозғайды» - деген кавказ халықының даналығы бар. Еліміздегі әртүрлі ұлттың өкілдерін «Біз Қазақстан халқымыз!»  маңызды ұғымы біріктіреді. Біздің күшіміз осында! – деп атап өтті ұйымдастырушылар.

Айтпаев Мақсат

Кейін қарай