Петропавл қаласының орталық алаңында «Дуслык» облыстық татар-башқұрт қоғамдық орталығының 35-жылдығына арналған Сабантуй татар-башқұрт мерекесі өтті.

Мерекеге өңірдің тұрғындары мен қонақтары, қоғамдық ұйымдардың өкілдері, Солтүстік Қазақстан облыстық Қазақстан халқы Ассамблеясының мүшелері мен белсенділері, Татарстан Республикасының Қазан қаласынан келген әртістер қатысты.

«Қоғамдық келісім» КММ басшысының м. а. Болат Базарбаев барлығын мерекемен құттықтап, Отанымыз - Қазақстан Республикасының гүлденуі үшін амандық, бейбітшілік және шығармашылық табыс тіледі!

Сонымен қатар, облыстық ассамблеяның этномәдени бірлестіктерінің төрағалары татар-башқұрт орталығын мерейтойымен құттықтап, өз орталықтарынан шығармашылық нөмірлер сыйлады. Өз кезегінде, «Дуслык» облыстық татар-башқұрт қоғамдық орталығының төрағасы Наиль Абраев орталықтың белсенділері мен серіктестеріне белсенді азаматтық ұстанымы, ұлттық дәстүрлер мен мәдениетті сақтауға және насихаттауға ұмтылысы, «Сабантуй 2024» отыз бес жылдық мерейтойлық мерекесін ұйымдастыруға қатысқаны үшін бірқатар алғыс хаттар табыс етті.

Бағдарламада тақырыптық көрмелер, тәттілер, конкурстар, дәстүрлі ойындар мен жарыстар болды.

Кейін қарай