Кеңес әскерінің ауған жерінен шығарылғанына 33 жыл толуына арналған мереке қарсаңында Петропавл қаласының Достық үйінде «Ауған жалынында: 9 жыл 51 күн» атты Ауғанстандағы соғысқа қатысушы ардагерлермен кездесу өтті.

Алдымен «Жас Сарбаз» жастар клубының және Солтүстік Қазақстан облысы бойынша Қазақстан Республикасының Ауғанстан және оқшау соғыстар ардагерлері кеңесінің жұмыстарының фотоэкспозициясы ұйымдастырылды. Кездесудің негізгі бөлімінде «Қазақстанның Орыс қауымдастығы» республикалық қоғамдық бірлестігі Солтүстік Қазақстан филиалының төрағасы Николай Авдеев, Солтүстік Қазақстан облысы бойынша Ауғанстан және жергілікті соғыстар ардагерлері кеңесінің төрағасы Эрик Таттыбаев, Солтүстік Қазақстан облысы Қорғаныс істері жөніндегі департаментінің өкілі, подполковник Ерлан Хамитов, СҚО ҚХА хатшылығы - этносаралық қатынастар бөлімінің басшысы Бағдад Мұқанова сөз сөйлеп, ыстық лебіздерін білдірді.

Ресми бөлімнен кейін іс-шара қонақтарына сыйлық ретінде Петропавл қаласы мен Солтүстік Қазақстан облысының әртістері мен шығармашылық ұжымдарының концерттік нөмірлері ұсынылды. Әрбір сөз сөйлеуші қарт жауынгерлерге жүрекжарды алғысын білдіріп, шексіз құрмет көрсетуге тырысты. Кездесу соңында Мұса Сұлтановтың орындауындағы «Салам, бача!» әні сүйемелімен барлық «ауған ардагерлеріне» гүл шоқтары табысталды.

Шара қонақтары ұйымдастырушыларға ерекше алғысын білдірді.

Кейін қарай