Отан қорғаушылар күні СҚО Достық үйінде соғыс ардагерлері мен тыл еңбеккерлері жастармен салтанатты түрде кездесті.

Кездесуді ұйымдастырушылар – «Қазақстанның орыс, славян және казак ұйымдары қауымдастығы» заңды тұлғалар бірлестігінің Солтүстік Қазақстан облыстық филиалы (ОСКҚ), Петропавл қалалық ардагерлер кеңесі және Солтүстік Қазақстан облысының Қазақстан халқы ассамблеясы.

Кездесуге соғыс ардагерлері Н.И. Демин, В.В. Макиенко, К.С. Некибаев және тыл еңбеккерлері Л.К.Горшкова, К.Х.Сүлейменов және И.В. Сидельникова шақырылды.

Алғыс сөздерінен кейін ОСКҚ басшысы В.Н. Витченко ардагерлер мен тыл еңбеккерлеріне соғыс жылдары туралы естеліктерімен бөлісіп, жастар өкілдеріне бата-тілектерін айтуды сұрады. Жеңістің 76 жылдығына орай халықаралық қайырымдылық шахмат турнирі өткізіліп 240 000 теңге жиналған болатын. Бұл қаражат Н.И. Деминге, В.В.Макиенко мен К.С. Некибаевқа табысталды.

«Қазақстанның орыс, славян және казак ұйымдары қауымдастығы» ЗТБ СҚОФ кездесу барысында жастарға «Мен соғыстың болмағанын қалаймын» квестіне қатысқаны үшін сертификаттар берді. Петропавл қалалық ардагерлер кеңесінің төрағасы Ж.У.Тәжин кездесуге қатысушыларды келе жатқан Жеңіс мерекесімен құттықтады.

Кейін қарай