Солтүстік Қазақстан облыстық Қазақстан халқы ассамблеясы және «Қоғамдық келісім» КММ қолдауымен «Туған жер» бағдарламасы аясында «Коперник» облыстық поляк мәдени орталығы облыстық мұражай бірлестігімен бірлесе халықаралық «Сәлем, Қазақстан!» көрме-конкурсын ашты. Іс-шара «ЭКСПО 2017: Болашақ энергиясы» көрмесіне арналған. Алғаш рет көрмеге 4-6 жас аралығындағы мектепке дейінгі балалар ғана қатысты. Конкурсқа ұсынылған  жұмыстардың географиясы – Польша, Италия, Ресей, Қазақстан. 

Іс-шараның мақсаты – Қазақстанда болып жатқан оқиғаларға рухани-адамгершілік қарым-қатынасты және ортақтастық сезімін тудыру, ел, астана, мемлекеттің бейнемелері туралы  түсініктерін кеңейту.

Көрме 14 маусымда  Петропавл қаласындағы облыстық мұражайда ашылды.

Жобаның авторы мен тәлімгері - «Коперник» поляк этномәдени орталығының төрайымы Валентина Юлюсьевна Корнева. Конкурсқа 127 балдырған қатысты, 150 астам жұмыс ұсынылды.  1-орынды Петропавлдағы облыстық балалар және жасөспірімдер шығармашылығы орталығы, «ART-палитра» бейнелеу студиясы, педагог Наталья Юрьевна Козловская және «FLOREALE» балабақшасы GRUPPA AULA BLU  және Италиядан келген педагогтер иеленді. 2-орын Мәдина Танжарбайқызы Дарбаеваның жетекшілігімен «Алтын бесік» балабақшасы еншісінде, Петропавл қаласы. 3-орын Петропавл қаласындағы «Умный ребенок» балабақшасына бұйырды, педагог Елена Владимировна Иванова.

 Көрме-конкурстың барлық қатысушылары дипломдар, сертификаттар мен кәдесыйларға ие болды. Халықаралық көрме-конкурстың ұйымдастырушылары көрмені ұйымдастыруға қол ұшын бергендері үшін Солтүстік Қазақстан облыстық Қазақстан халқы ассамблеясы хатшылығының меңгерушісі –  Наиль Камильевич Салимовқа, «Қоғамдық келісім» КММ директоры – Әсемгүл Найманқызы Есқожаға, Ресейден келген Юлия Балажентиске және Голландиядан келген Анастасия Крутькоға алғыс айтты.  Сонымен бірге қазылар алқасының мүшелері: Лидия Васильевна Гиркоға, Валерий Васильевич Савельевке, Ирина Сергеевна Шишкоға; «Сәлем, Қазақстан!» халықаралық көрме-конкурсына қатысушыларға және «Қоғамдық келісім» КММ ризашылық білдірді.

«Солтүстік Қазақстан облысы әкімінің аппараты» ҚММ

 «Қоғамдық келісім» КММ баспасөз қызметі

Кейін қарай