Қазақстан халқы Ассамблеясының жұмысын ақпараттандыруды күшейту сондай-ақ, білім беретін мекемелердің тәрбие ісін оңтайландыру мақсатында СҚО ҚХА ғылыми-сараптама тобының төрайымы А.Мурзалинова мен ғылыми-сараптама тобының мүшесі Б.Базарбаев облыс мектептерінің өкілдерімен кездесті.

Кездесу барысында А.Ж. Мурзалинова өңір педагогтары жүргізіп отырған тәрбие ісінің маңызын тілге тиек етті. Ғылыми-сараптама тобының төрағасы кездесуге қатысушыларды мектеп оқушылармен жүргізіліп отырған тәрбие ісінің заманауи әрі өзекті түрлерімен таныстырды.

А.Ж. Мурзалинова ҚХА мен білім беретін мекемелер арасынла жасалып жатқан тиімді ынтымақтастықтың тамаша мүмкіндіктерінен нақты мысалдар келтіре отырып, Солтүстік Қазақстан облысы Қазақстан халқы ассамблеясы екі жақты ынтымақтастыққа мүдделі екендігін атап өтті.

Б.К. Базарбаев директорлардың тәрбие ісі жөніндегі орынбасарлары мен педагог-психологтарды Қазақстан халқы Ассамблеясы қызметінің төрт базалық құрамымен таныстырды, сонымен-қатар, білім беретін мекемелермен бірлескен ынтымақтастықтың тиімділігінің айғағы болатын нақты мысалдар келтіре отырып, өңірлердегі белсенді педагогтарды алдағы уақытта да ғылыми жобалар байқауына белсенді қатысуға шақырды.

Кездесуге Петропавл қаласы және облыс аудандарындағы мектептерден 67 өкіл қатысты.

Кейін қарай