Облыстық Қазақстан халқы Ассамблеясының «Надея» поляк этномәдени бірлестігі Польша Конституциясының күнін атап өтті. 

Мерекелік іс-шараға басқа қауым өкілдері тек қонақ ретінде келмей құттықтау сөздерін айтып және концерттік бағдарламасын алып келді.

Бағдарламаны «Надея» поляк ЭМБ төрағасының орынбасары Светлана Сидоренко ашты. Өз сөзінде ол биыл 3 мамыр күні Пальшаның алғашқы Конституциясын қабылданғанына  225 жыл толғанын айтты.

- Қостанай облысында 1,5 мың поляк тұрып жатыр, ҰОС жылдарында Қазақстанға біздің этностың 100 мың өкілі жер аударылып келді. Осы уақыт бойы Қазақстан жері біз үшін туған жеріміз болып қалды, осында достар таптық, бірақ тарихи отанымызбен байланысты жоғалтпаймыз. Өткен жылы Қостанай қаласына Қазақстан Республикасындағы Польшаның Төтенше және Өкілетті елшісі Мачей Ланг келіп кетті, ол тарих ғылымының докторы Дмитрий Легкийдің ұйымдастыруымен өткен «Қазақстанда 1941-1943 жылдары болған поляк дипломаттар» атты көрменің басты қонағы болды. Осындай іс-шаралар біздің мемлекеттер арасындағы байланысты жақсартуға, достық көпірін құруға көмектеседі. Баспанасынан айырылған поляк отбасыларын паналатқан қазақ халқына деген алғысымызды, шексіз ризашылықпен өсіп келе жатқан ұрпаққа айтып келеміз, – деп айтып кетті Светлана Сидоренко.

Іс-шара барысында «Надея» поляк ЭМБ ең белсенді және талантты өкілдеріне  дипломдар және естелік сыйлықтар табыс етілді.

Қостанай облысы әкімдігінің «Қоғамдық келісім» КММ баспасөз-қызметі