Құрметті отандастар!

Православие дінін ұстанушы азаматтарды және барлық қазақстандықтарды Рождество мерекесімен шын жүректен құттықтаймыз!

Осынау мереке күндерінде этностық немесе діни көзқарастарына қарамастан, ынтымақтастық, мейірімділік және қайырымдылық сияқты шынайы адами құндылықтар айқын көрініс табады.

Бұл – ізгі істер атқарып, жақындарымызға шын жанашырлық көрсетіп, қолдауға мұқтаж жандарға шын жүректен қамқорлық жасайтын кез.

Бұл тұрғыда Қазақстан – бірегей мемлекет. Біздің елімізде адамдарды жақсылық пен сүйіспеншілікке шақыратын барлық діндерге бірдей құрметпен қарау қалыптасқан. Біз, Қазақстан азаматтары – біртұтас халықпыз, мықты әрі жауапкершілігі жоғары азаматтардан құралған елміз.

Құрметті жерлестер!

Мереке әрбір үйге, бүкіл елімізге қуаныш сыйласын, Отанымыздың игілігі үшін жаңа істерді бастауға күш-қуат берсін!

Сіздерге мықты денсаулық, бақыт, еңбекте жеміс, отбасында татулық пен береке тілейміз.

Қазақстан халқы Ассамблеясының Кеңесі

Дата события ассамблеи: 06.01.2018

Кейін қарай