24 қазан күні Президенттік орталықта Республика күні мен Қазақстан халқы Ассамблеясының 30 жылдығына арналған мемлекеттік және қоғамдық наградаларды тапсырудың салтанатты рәсімі өтті.

Іс-шараға Қазақстан халқы Ассамблеясы Төрағасының орынбасары М.А.Әзілханов қатысты.

Қазақстан халқының бірлігін нығайтуға, қоғамдық келісімді дамытуға және патриоттық құндылықтарды насихаттауға қосқан елеулі үлестері үшін елдегі түрлі этнос өкілдері марапатталды.

Салтанатты шараға Қазақстан халқы Ассамблеясының мүшелері, этномәдени бірлестіктердің жетекшілері, қоғам қайраткерлері мен жастар ұйымдарының көшбасшылары қатысты.

Марапаттау рәсімі бейбітшілік пен келісім идеяларына адалдық танытып, ел игілігі жолында табанды еңбек етіп жүрген азаматтарға деген алғыс пен құрметтің айқын көрінісі болды.

Қазақстан халқы Ассамблеясы жылдар бойы қоғам бірлігін нығайту, мәдени әралуандылықты сақтау және этностар арасындағы диалогты дамыту ісінде маңызды рөл атқарып келеді. Мұндай іс-шаралар өзара құрмет пен сенімге негізделген қоғамдық келісім мәдениетін қалыптастыруға зор үлес қосады.

Марапат иегерлері өз еңбектерінің жоғары бағаланғанына ризашылық білдіріп, алдағы уақытта да елдегі бейбітшілік пен келісімді сақтау ісіне белсене атсалысатындықтарын атап өтті.

Кейін қарай