16 мамырда Алматы қаласы Республикалық Достық үйінде ҚР Парламенті Мәжілісінің депутаты Вакиль Набиев ҚХА-ның жас мүшелері, этномәдени бірлестіктердің жастары, ЖІК көшбасшылары, еріктілер және Алматы қаласы бойынша «Ассамблея жастары» РҚБ өкілдігінің жастарымен кездесті.

ҚР Конституциясына енгізілетін түзетулер мен өзгерістер бойынша көптеген сұрақтар қойылды. Жастар депутатпен пікірталасқа белсенді қатысты. Мемлекет басшысы жүргізіп отырған саяси реформаларға деген жастардың жоғары қызығушылығын атап өткен жөн. Әңгіме барысында Қазақстанның құрылысы мен оның қалыптасуындағы жастар рөлінің маңыздылығы туралы неғұрлым кең тақырыптарға ауысты. Сондай-ақ, кездесу барысында Парламент Мәжілісі депутаттарының білім беру, медицина, кәсіпкерлік, әлеуметтік қызметтерді дамыту, жастарды патриотизмге тәрбиелеу, мемлекеттік тілді одан әрі дамыту, азық-түлік бағасын реттеу, жастардың бәсекеге қабілеттілігі, сыбайлас жемқорлыққа қарсы мәдениет және басқа да салалардағы жұмыстары талқыланды.

Іс-шара соңында кездесуге қатысушылар жекелеген қызмет салаларында жастарды одан әрі дамыту бойынша бірқатар ұсыныстар енгізді.

Кейін қарай