Қарағанды облысына жұмыс сапары аясында 24 ақпан күні Қарағанды Достық үйінде Қазақстан Республикасы Парламенті Мәжілісінің депутаты Шамиль Осиннің "Ассамблея жастары" РҚБ Қарағанды облысындағы өкілдігінің мүшелерімен кездесуі өтті. Кездесуге Қарағанды облысы ішкі саясат басқармасының "Қоғамдық келісім" КММ директоры Әйгерім Исбекова, "Вайнах" шешен-ингуш этномәдени бірлестігі" ҚБ төрағасы Увайс Джанаев, сондай-ақ "Жас Орда"жастар ұйымының мүшелері қатысты.

Кездесудің модераторы "Ассамблея жастары" РҚБ Қарағанды облысындағы өкілдігінің басшысы Александр Урмашов болды, ол Шамиль Абзалетдиновичті облыстық ҚХА жастарының жұмысымен және іске асырылып жатқан жобалармен таныстырды. Өз кезегінде Шәміл Абзалетдинұлы кездесуге қатысушыларға ҚХА депутаттарының жүргізіп жатқан жұмыстары туралы айтып, жоспарларымен бөлісті, сондай-ақ ел жастарын қолдаудың маңыздылығы туралы пікір білдірді.

Кездесу барысында "Ассамблея жастары " мүшелері Дарын Әбілжанов, Асылан Смағұлов, Тамерлан Тұрсынбеков жас отбасыларды әлеуметтік қолдау, тұрғын үй құрылысы, жоғары білімнің қолжетімділігі мен сапасы туралы мәселелерді көтерді. Белсенді жастар ҚХА қызметіне, волонтерлікке және жалпы қоғамдық жұмысқа тартылған жастар үшін мотивациялық шараларды кеңейтуге қатысты бірқатар маңызды бастамаларды ұсынды.

Кездесу қорытындысы бойынша халық қалаулысы қатысушыларға айтылған идеялар мен ұсыныстарды ҚХА депутаттық корпусы міндетті түрде талқылайтынын жеткізді.

Кейін қарай