2017 жылдың 30 қаңтар Астана қаласы Қазақстан Республикасы Президентінің жанындағы Мемлекеттік басқару академиясының ғимаратында  Қазақстан Республикасының Президенті Н.Ә.Назарбаевтың билік тармақтары арасында өкілеттіктерді қайта бөлу мәселесі жөніндегі үндеуін талқылау бойынша Қазақстан халқы Ассамблеясы Ғылыми-сарапшылық Кеңесінің эксперттік кездесуі өтті.

Кездесуді ұйымдастырушы – Қазақстан Республикасы Президентінің жанындағы Мемлекеттік басқару академиясы Орталық Азия өңіріндегі этносаралық және конфессияаралық қатынастарды зерттеу орталығы.

Іс-шараның мақсаты – Қазақстан Республикасының Президенті Н.Ә.Назарбаевтың билік тармақтары арасында өкілеттіктерді қайта бөлу мәселесі жөніндегі үндеуін талқылау.

Кездесу жұмысына Қазақстан Республикасы Парламенті Мәжілісінің депутаттары, Қазақстан халқы Ассамблеясы Ғылыми-сарапшылық Кеңесі және ҚХА Астана қ. Ғылыми-сарапшылық топ мүшелері, Қазақстан халқы Ассамблеясы хатшылығы, Қазақстан халқы Ассамблеясы кафедрасының өкілдері, этносаралық қатынастар мәселесі бойынша мемлекеттік қызметшілер және сарапшылар қатысты.

Кездесу барысында Реформаның негізгі бағыттары: Президенттің әлеуметтік-экономикалық процестерді реттеудегі біршама өкілеттіктерін Үкіметке және басқа да атқарушы органдарға беру және Билік тармақтары арасындағы қарым-қатынасты конституциялық деңгейде теңгерімді ету; Президенттің бірқатар өкілеттіктерінің Үкімет пен Парламентке берілуі бойынша Қазақстан Республикасы Конституциясы мен Заңдарға өзгерістер енгізу мәселелері талқыланды. Талқылау нәтижесінде жұмыс тобына ұсыныстар әзірленді.

Кейін қарай