2016 жылғы 12 желтоқсанда ҚР Ұлттық академиялық кітапханасында ҚР Тәуелсіздігінің 25 жылдығына арналған «Мәңгілік елім менің» поэзиясы антологиясының  тұсаукесері өтті.

Іс-шараға ҚР Парламенті Мәжілісінің депутаттары, ҚХА ғылыми-сараптамалық тобының мүшелері, қоғам қайраткерлері, ғылыми мен шығармашылық зиялылары, шығармалардың авторлары, Қазақстанның танымал жазушылары мен ақындары, БАҚ қатысты. 

Таныстырылымға қатысқан ҚР Парламенті Мәжілісінің депутаты Сауытбек Абдрахманова өз сөзінде: «Мәңгілік елім менің» антологиясын оқу арқылы біз Қазақстан халқын, әдебиетін тани білеміз, бір-бірімізге жақын боламыз», - деді.

«Бұл кітаптың басқа кітаптардан жөні де, жолы да бөлек. Себебі, мұнда Қазақстандағы түрлі ұлт өкілдерінің ең үздік шығармалары топтастырылған. Қай оқырманға да оқуға ыңғайлы антология екі тілде қатар берілгенімен де құнды деп есептеймін. Осы жобаны жүзеге асырғаны үшін Қазақстан Жазушылар одағына, үлкен қолдау көрсеткен Қазақстан халқы Ассамблеясына өз ризашылығымды білдіремін», -  деді «Altyn Kyran» халықаралық қайырымдылық қорының президенті Исламбек Салжанов.

***

«Мәңгілік елім менің» антологиясын Қазақстан жазушылар одағы   Қазақстан халқы Ассамблеясы, «Altyn Kyran» халықаралық қайырымдылық қорының қолдауымен жарыққа шығарды.

 Антологияда Қазақстан Республикасының түрлі этностары ақындарының (қазақ, орыс, ұйғыр, күрд, татар, украин, белорус, неміс, кәріс, армян, шешен, ингуш, түрік, осетин, дүнген және т.б.) өлеңдері жинақталған.

50 автордың өлеңдері мемлекеттік тілде жарық көріп, орыс тіліне аударылды. 

Кейін қарай