Өткен демалыс күні Достық үйі – қоғамдық келісім орталығының алаңында,  «Ынтымақ- Содружество» қоғамдық бірлестігінің жастары жыл сайынғы дәстүрге айналдырған «Радуга» фестивалін өткізді.

Биылғы фестиваль бірден екі айтулы мерекеге: Қазақстан Республикасының  Тәуелсіздігіне 25 жыл толуына және білім күніне орайластырылды. Қала тұрғындары үшін әр түрлі этностардың әндері мен билерін қамтитын әсерлі концерт, ал қонақтардың назарына  сәндік-қолданбалы өнер жәрмеңкесі ұсынылып, қызығушылық білдірген жастарға өз бетімен  ерекше сыйлық жасау мүмкіндігі туды.

Фестивальдің негізгі бөлімінде көрсетілген бояу шашу ойыны барлық қонақтар мен қоршаған маңайды бір сәтте кемпірқосақ түсіне бояп, көрермендерді  қуанышқа бөледі. Күздің  алғашқы күндерінде өткізілген мереке  қатысушыларға ерекше әсер етіп, жиналғандардың көңілін көтерді.

Мерекені жастардың заманауи вокалдық топтары жалғастырып, Достық үйінің маңы бір сәтте  би алаңына айналды.

Кейін қарай