Қазақстан халқы Ассамблеясының «Салауатты сана» жобасы аясында Алматы қаласындағы Достық үйінде Қазақстан халқы Ассамблеясы республикалық Аналар кеңесінің төраға орынбасары Баян Ахатайдың қатысуымен дөңгелек үстел өтті.

Кездесу барысында отбасын нығайту, тұрақты отбасылық құндылықтарды қалыптастыру, сондай-ақ нашақорлыққа байланысты дағдарыстық жағдайлардың алдын алу мәселелері талқыланды.

Әсіресе, өсіп келе жатқан ұрпақты әлеуметтік кеселден қорғауға бағытталған жүйелі профилактикалық жұмыстардың маңыздылығына баса назар аударылды. Жастардың рухани-адамгершілік құндылықтары мен салауатты өмір салтын қалыптастыру, осы бағыттағы негізгі әлеуметтік сын-қатерлерді еңсеру жолдары да сөз болды. Сонымен қатар, балалардың бос уақытын тиімді ұйымдастыру, интернет пен гаджеттерді пайдалы мақсатта қолдану қажеттілігі атап өтілді.

Кездесу аясында тақырыпқа қатысты маңызды мәселелер талқыланып, бірлескен жұмыстың тиімділігін арттыруға бағытталған ұсыныстар мен бастамалар алмасылды.

Кейін қарай