Қалибек Қуанышбаев атындағы Қазақ ұлттық музыкалық драма театрының әртісі Әлібек Қайырбек «Домбыра әлем шыңдарында» халықаралық мәдени жобасы аясында Гималай тауларындағы ең көрікті нүктелердің бірі – Кала Паттар (5644 м) шыңына көтерілді.

Бұл сапар Айленд Пик (6189 м) шыңына негізгі экспедиция алдындағы жерсіндіру (акклиматизация) кезеңінің бір бөлігі болды. Әлібек бұл биіктікті де сәтті бағындырды.

Кала Паттар шыңында өнер иесі ұлы композитор Нұрғиса Тілендиевтің 100 жылдығына арнап «Әлқисса» күйін орындады. Осы тарихи сәтте Қазақстан халқы Ассамблеясының туы желбіреп, әртіс бүкіл қазақстандықтарды ҚХА-ның 30 жылдығымен шын жүректен құттықтады.

Кейін қарай